حضرات الساده والسيدات والاّنسات الأفاضل والفضليات
بعد مساء الفل;
حابب اتكلم عن طريقه بسيطه اوي لكن مش سهله 000الطريقه دي- قبل ماتكلم-
انا شايفها وسيلة تضمن لنا غاية
انا شايفها وسيلة تضمن لنا غاية
اننا نبقى اقوي واعدل شعوب الارض
الطريقه بمنتهي البساطة كانت تطبق أيام ما كان الاسلام من اعظم
الامبراطوريات سيادةّّ ومكانه ومساحه
الامبراطوريات سيادةّّ ومكانه ومساحه
بس انا مش هتكلم من المنطلق الديني00انا هتكلم من المنطلق الاجتماعى:
زي اي قريه قديمه زمان 00زي التعاون اللي بنشوفه في
لعبه " ايدج اوف ايمباير"
لعبه " ايدج اوف ايمباير"
مثلا ;تعاون تحس انه فيه طاعه لا يمكن نوصلها
الا بالحب والتفاهم
الا بالحب والتفاهم
طيب احنا امتي نقدر نحقق التفاهم؟؟ ده الزمن اللي احنا فيه ده زمن بيبقي
رجل ومراته في بيت واحد ومش قادرين
رجل ومراته في بيت واحد ومش قادرين
يوصلوا للتفاهم 000ازاي يوصل شعب كامل ل ليفل التفاهم؟؟
الاجابه:
الزمن عمره ما كان السبب000العيب فينا00
والتفاهم نوصله بالحب
والتفاهم نوصله بالحب
لما نبقي زي الناس بتاعه زمان :: بنحب بعض بجد بنخاف علي بعض:: لما نبطل نعاكس
ونتحرش بالبنات لما نفكر انها اخت او زوجه
ونتحرش بالبنات لما نفكر انها اخت او زوجه
او بنت شخص تاني يهمني امره00بحب له الخير 0
ازاي هعاكسها؟!!
لما نبطل نغش بعض 00لما نبطل نكره لبعض الخير
لما بجد نحب بعض
لما بجد نحب بعض
لما نتعامل مع بعض بنيه صافيه000لما يهمنا امر بعض00لما كلمة "انا"
تبقي" احنا" وطالعه من جوايه بجد
تبقي" احنا" وطالعه من جوايه بجد
ساعتها هنبقي اوتوماتيك اقوي واعدل شعوب الارض
العدل محتاج قوه تحميه000واحنا قوتنا في مباديئنا واخلاقنا
لو ضيعناها ضيعنا
لو ضيعناها ضيعنا
انما الامم الاخلاق مابقيت
ان هم ذهبت اخلاقهم ذهبوا
القصه مش قصة فساد نظام او سرقه او ضرايب او حديد
لانها لو الحكايه في دول 000يبقي خير وبركه
هييجي يوم وهيتغيروا 00هل حد يقدر
يجزم اننا ساعتها هنتحسن؟
يجزم اننا ساعتها هنتحسن؟
مش هنتحسن لانك لو سألت اي شاب دلوقتي وقولتله:
لو هتشتغل مع يهود في شغلانه
وهتاخد فلوس كتير000 تشتغل؟
وهتاخد فلوس كتير000 تشتغل؟
فيه اللي علي طول هيقول اشتغل000وفيه اللي يقول مادام مفيش في
الشغل حاجه حرام اشتغل0000
واختفت النسبه اللي كنت مستنيها تقول
واختفت النسبه اللي كنت مستنيها تقول
لا طبعا عمري ماشتغل!! مع اني كنت فاكرهم كتير
طلعوا مفيش!!!
ولما بتيجي تستغرب يقولك:ياعم مانا لو ماشتغلتش هييجي غيري يشتغل
وهيبقي بيتقال له وسط الناس يا بيه ويا باشا بفلوسه!!!
طب يا بوب ماهي من زمان معروفه انك لو ماسرقتش فيه غيرك هيسرق
لو مازنيتش فيه غيرك هايزنى
بس المشكله ان دلوقتي السرقه تفتيح مخ000والكدب ادمان
والخبث كيف, والزنا شطاره, والسرقه فهلوه
وكلامي ده ليك وليا ولينا كلنا مش بس للنظام والحكومه0
كمان للشباب اللي سألتهم
عن الشغل في اسرائيل
عن الشغل في اسرائيل
والشباب دول بقي اخواتنا وولادنا وازواجنا
شباب من العامه من العاديين
يعني لاهما مع النظام ولا معاهم تمن الحديد
يعني لاهما مع النظام ولا معاهم تمن الحديد
مشكلتنا يا جماعه اخلاقيه عامة000مالهاش دعوه بحكومات
ليها دعوه بالسلوك
ده حتي اللي بيقولوا عليه مفتح دلوقتي وفاهم شويه 0000وعرف
بالظبط خبايا وتفاصيل
عمليه سرقه لصالح الناس الوحشين
عمليه سرقه لصالح الناس الوحشين
بدل مايطالب بحقه ولا حتي يوعي الناس ولا يقول لهم "لا" بيروح
يجيب حقه من ناس تانيين مالهمش فيه
ضحايا زيهم زيه0000 ويزود مثلا اجره الميكروباص
ضحايا زيهم زيه0000 ويزود مثلا اجره الميكروباص
واحد حس ان الاجره غليت عليه000يروح يرتشي ويمد ايده للحرام
ونتيجه لكل ده اتولد عندنا غيره وحقد وعند علي بعض
جاب كره ونكد000ولسه هايجيب
تعالوا ندور ع الحب000تعالوا نغير في الجدر ونسيبنا من الورق
نبص ع الاصول ونسيبنا من الفروع
اصل الناس الوحشين دول ايه؟؟ مش هم اصل المشكله
الاصل هو ان الناس دول طالعين نتاج
بيئه كلها فرديه ومصلحه ذاتيه
بيفكروا بمبدأ::ازاي اتهني انا ويولع الناس0000 هما من بقيت اهلى؟!!!
وبيدور بيهم الزمن
وبييجوا بعد كده علي اهلهم والدايره بتوسع
وبييجوا بعد كده علي اهلهم والدايره بتوسع
عشان المشكله اخلاقيه
يا ست ياللي مش عاجبك غلاء الاسعار000ياعم ياللي بالك مشغول
بسبب دخول المدارس
000يا كابتن ياللي بتسافروتغرق في البحر هربا
000يا كابتن ياللي بتسافروتغرق في البحر هربا
من هنا0000يا حاج ياللي حاسس ان عمرك ضاع هدر
تعالوا قبل ما ندعي علي الناس الوحشين ونشتكي منهم
تعالوا نبص لنفسنا 000تعالوا نتغير
تعالوا نحب جيرانا0000ارجعوا للجدعنه والمروءه000تعالوا نخاف
علي بعض000نبص للاشياء
والمصالح بعين جماعيه مش فرديه
والمصالح بعين جماعيه مش فرديه
قبل مانعمل اي حاجه هتفيدنا00000نفكر الاول
هي هتضر مين
تعالوا احنا نتغير 000ساعتها بس هنقدر نغير 0000ساعتها نقدر
نقلع توب العجز
ساعتها الدنيا هتحلو
هناك 14 تعليقًا:
السلام عليكم
كلماتك جميلة ودعوتك حلوة
لكن علي رأيك مين يسمع ( يقرأ ) ومين ينفذ
فيه فجوة كبيرة بين اللي بنسمعه واللي عايزنه يسود واللي بيحصل فعلا
hasona
منورني يا كبير
ايه رأيك يا حسونه انا وانت تغير ومالناش دعوه بالناس
انا وانت نبدأ واكيد شويه بشويه هنزيد وهنبقي كتير
وبكره ان شاء الله اكيد احسن
فعلا كلامك مظبوط نحن نعاني من أزمة اخلاق، ولو طبقنا الأخلاق والسلوكيات الحميدة التي حثنا عليها الدين الإسلامي أو المسيحي فكافة الأديان تدعو الى الأخلاق والسلوك القويم لأنصلح حالنا جميعا
ولي مقوله شهيره دائما أرددها أحنا شعب عايز يتربى
منوراني غرام
ومتفائل من ردك 000ده معناه ان فيه ناس موافقه معايا ا العيب فينا
وبالنسبه للمقوله
شعب عايز يتربي احس بكتير من شعب يستاهل ابادته
لا يغير الله ما بقوم حتي يغيروا ما بأنفسهم
دعوة جميلة للتغير
وأن يكون التغير داخليا أو ذاتيا
ونبدأ بأنفسنا
تحياتي
ياااااااسلام بس مين يسمع ومين يقرا .. ولو لاقيت اللي يسمع ويقرا
مين بقى اللي ينفذ
احنا في زمن ما يعلم به الا ربنا
بس كلمات رائعة ويارب تعمل حاجة
وتغير ولو واحد من التمانين مليون واحد
سلااااااااااااااام
الله يكرمك الله يخليك ربنا يعمر بيتك ويخليهملك يارب .. اللهي وانت جاهي تبقى اشهر مهندس في مصر
شيل كلمة التدقيق ديه بتجيب شلل رعاش .. وانا لسه طالعة من خطف
ماتشلتش في الخطف تشلني انت
بجد شلها ديه عقيمة حقيقة وبتجيب شلل حتى شوف هتلاقي واحد بكرسي بعجل جنبها
سلاااااااااااااام
ممممممممممممم موضوع جميل ودعوة جميله جزاك الله كل خير تفتكر الناس مش عارفه دة مش الفكرة في انهم ميعرفوش الفكرة انهم مبينفذوش
ةاسمحلي بئا انا دي علي حسونة فينك يا عم من زمان ههههههههههههههه
علي فكرة ياغرام دخلت مدونة وقريت بس معلقتش واستغربت لان الاسلوب اتغير كتير عن مدوناتك السابقه
دمتم كلكم بخير
حسونه
شكرا للاهتمام وللمرور قبل الاهتمام
عشان لو مكانش فيه مرور مكانش هيبقي فيه اهتمام
فتافيت
انا مش عايز اغير000انا عايز الناس هي اللي تعوز تتغير
ولو متغيرناش دلوقتي في عز اللي بنعاني منه ده000هنتغير امتى؟؟!!
بعتذر لكل فتفوته فيكي عن موضوع التحقق ده
اما بالنسبه لحكايه اشهر مهندس دي:يارب ياختي اشوفك وزيره يارب
بس فيه حاجه:: لو ماتشليتيش في الخطف
ومش عايزه تتشلي هنا
طب هتتشلي امتي!! هههه
حمدالله ع السلامه يا قمر وتاني مره خلي بالك من نفسك
حرووووف
منوره يا باشا
يا حروف فيه اللي عارف وفيه اللي قاعد ينتقد الحكومه والناس واخلاقهم وناسي يبص لنفسه
وبعدين سيبك من الناس
ماتيجي احنا نتغير اصل المفترض ان معظم اصحاب المدونات مثقفين
وبصراحه انا عندى امل فيكو
ان شالله تيجي نتيجه التغيير كمان 5 سنين
واحنا بنمشي علي عكازات
بس انا واثق ان التغيير هيتم
وزي مابقول دايما : بكره اكيد احسن
بوست جميل بجد ودعوة ياريت تتنفذ صح المشكلة كلها فى غياب القيم والاخلاق لو عرفنا ربنا صح الدنيا اكيد هتكون احلى
مرسيى للمرورك على المدونة
ايوشه
اهلا بيكي
مدونتك جميله و ناجحه وده سبب المرور
انا معاك
كل واحد يبداء بنفسه اولا وبعدين بيته والحي واخيرا المجتمع
اذا ماصلح الفرد مستحيل يصلح المجتمع
موضوع مهم بشكل غير طبيعي
تصفيق حار
الأخ العزيز
سعدنا بالدخول الى مدونتك ولما فيها من روح نبيله ولذلك نوجه لك هذه الدعوه
دعوه
الأخ العزيز/
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo
انا بعد مقتنعه
ان المشاكل كلها
تنحل بالحب
الحب هو فعلا العلاج السحري
لكل معضلات الكون
الحياه بالحب تكون احلى
اسهل واروح واكثر سهوله
تدوينه جميله :)
إرسال تعليق