قالها الكينج منير في أغنيه ساح يا بداح
طول عمرهم العسكر عسكر000 بس الناس زمان كات ناس
جملة واحده خلصت الكلام
يعني هما من زمان وهما كده
بس الفرق ان زمان كان فيه رجاله
بجد مليت من اني كل ماتكلم مع حد في الشارع الاقيه مخنوق وبيدعي ع الحكومه
لما كلنا مخنوقين 000طب احنا مستنيين ايه
ليه بس بنعيب ع الحرامي ومش بنعيب علي سلبياتنا اللي سامحه علي طول الخط بأن الحرامي يسرقنا
يا جدو يللي مارضيتش تتكلم وقلت اعيش في سلام انا وولادي 00انا مش عايز اروح ورا الشمس
ويابويا ياللي عشت زي ما جدي عاش
انا ابنكم اهو بقول اني اتخنقت 000وياعيش بكرامه يا بلاش منها عيشه
ولو عشت في سلام انا ومراتي وولادي
هييجي بردو اللي من صلبي بيشتكي من سلبيتي
ماحنا مش هنستورد ناس ولاد كلب من بره فاضيين ومالهومش فيه ومعندهمش ست وولاد يخافوا عليهم
عشان يقولوا بدالنا لا
لا للظلم ولا للغطرسه ولا للاستكانه ولا للخوف
احنا اتعودنا الخوف 0000 خدنا ع الذل
وعلي رأي منير برضه::
"انا لازم اغير00 لو مش قادر00 انا لازم اغير واتغير "
هناك تعليقان (2):
zay mnta 2olt lazm ent wana wkol wa7ed ybd2 y3'er fe nafsoh el 2wl wb3den nshof el natega hatb2a aih
a2olk 3la 7aga e7na sha3b bta3 klam bn3rf ntklm awe bas sad2ne hnfdl mkana mn kotr klamna
عزيــزتـى000انا شايف ان احنا في زمن فعلا رجالته اللي بجد ماتوا
وضحكت حزنا بشده على سيد ابو حفيظه في نشره التاسعه والعشرين لما بيقول:
سيداتي انساتي سيداتي
ومفيش سادتي لأنه مبقاش فيه رجالة
إرسال تعليق